Elektrohigaduraren eremuan bere dielektrikoen esperientzia eta arrakasta luzeari jarraipena emanez, Oelheldek erronka berriak ezarri ditu. Kalitate handiko hidrokarburoak arrakastaz erabili dira hamarkadetan zehar sartze bidezko elektrohigaduran; hari bidezko elektrohigaduran, berriz, ura erabiltzen jarraitzen da, nahiz eta horri lotutako desabantailak ugariak izan.
Batez ere karburo-metalak mekanizatzean, kobaltoa sortzea eta, horren ondorioz, korrosioa agertzea, gainditzen zaila den eragozpena da. Horregatik, Oelheldek, elektrohigaduraren sektoreko konpainia liderrekin eta Lovainako Unibertsitatearekin (Belgika) batera, hari bidezko ebaketa-teknologiarako berariaz diseinatutako hidrokarburoetan oinarritutako dielektriko bat garatzeko ikerketa-proiektu bat abian jartzea erabaki zuten.
Proiektu horren emaitza IonoFil da, hari bidez ebakitzeko elektrohigadurarako dielektrikoa.
IonoFil-a hari bidezko ebaketan dielektriko gisa erabiltzeak karburozko puntzoien bizitza erabilgarria luzatzea ahalbidetzen du, kobaltoa sortzea prebenitzen duelako. Garapen horri esker, erretxinen bidez uraren desionizazio neketsu eta garestia, korrosioaren aurkako babesa (mekanizazioaren aurretik, bitartean eta ondoren) eta sarri gertatutako ingurunearen aldaketak iragana dira. Gainera, gap txikiagoak erabiltzeko aukera ematen du, eta, beraz, mekanizazioan askoz zehaztasun handiagoa ahalbidetzen du. Gainazaleko akaberaren kalitatea ere hobetu egiten da, eta puntu gorenetik baxuenera Ra 0,1 µm baino zimurtasun txikiagoak lortzen dira, urarekin baino askoz azkarrago eta errazago.
Hauek dira IonoFil erabiltzeak dituen abantailak:
